Dark YouTube - سيد عواد / احمد هاني

Dark YouTube – سيد عواد / احمد هاني

كاتب المقال: مجموعة مؤلفين

التصنيف: ,

المقالة

Dark YouTube - سيد عواد / احمد هاني

مين فينا مبيتصفحش اليوتيوب يوميًا ؟
معتقدش إن فيه حد في يومنا هذا مبيشوفش فيديو على الأقل كل يوم , وده حد أدنى طبعًا الفيديوهات أو القنوات اللي بنتابعها على اليوتيوب بتبقى حاجات طبيعية , يعني ألعاب , أفلام , سكيتشات , وما إلى ذلك ..
لكن هل عُمرك سمعت أو شوفت حاجات من اللي بتُسمى اليوتيوب المُظلم ؟
عُمرك سمعت عن القنوات والفيديوهات اللي هقولك عليها دلوقتي دي ؟
لا معتقدش ..
سيبني بس أستعرضلك كام قناة بمحتواها , وانت بنفسك اللي هتحكُم هل ده اليوتيوب اللي أنت بتقعد عليه بالساعات , ولا ده شىء تاني أكثر ظُلمة وأكثر غرابة ؟

1-Benjamin Bennett
القناة دي من أكتر الحاجات المُضحكة والغريبة اللي شوفتها وانا بتنقل بين القنوات اللي هقولكم عليها فيه بلاي ليست في القناة دي تقريبا 302 فيديو بالظبط, كل فيديو لا يقل عن أربع ساعات , خلال الأربع ساعات دول , الشخص المُسمى بينجامين قاعد قدام الكاميرا , ومبيعملش أي حاجة , غير إنه يبتسم , فقط لا غير ! هل انت مُتخيل تقعد قدام كاميرا أربع ساعات تبتسم فقط !

2-poppy
القناة دي أقل وصف ليها , وأقربهم , هو التوحد , صاحبة القناة , بتعمل فيديوهات لما فكرت أكتب عنها ايه , معرفتش أوصفها !
أحيانًا بتطلع تلف حوالين نفسها في الفيديوهات , وأحيانًا بتقول إنها روبوت ! وفعلًا طريقة كلامها أِشبه بالبرمجة , مش إنسان طبيعي بيتكلم !
فيه فيديو ليها , عباره عن إنها طالعه بتقول "أنا بوبي" !

3-aetbx
يمكن دي أكتر حاجة مُظلمة من اللي فاتوا , وممكن أكون أنا نفسي حسيت بحاجة غريبة وأنا بشوف الفيديوهات , القناة دي معموله من 2014 وأول فيديو إتنشر كان سنة 2015 , وبرغم إنها معموله من 5 سنين , القناة مش موجود عليها غير 4 فيديوهات , ولكنهم الحقيقة كافيين جدًا علشان تثبت إنها من أغرب الحاجات اللي شوفتها عاليوتيوب
مضمون فيديو من الفيديوهات , هو فايل موجود على ديسكتوب بتاع كمبيوتر , وإِشارة الماوس بتتحرك ببطىء ناحية الفايل علشان تفتحه , وبمجرد ما تفتحه, بتشتغل وصلة من الموسيقى والأصوات المُزعجة , اللي سببتلي توتر لفترة من الوقت !
وكان مضمون فيديو تاني , شخص لابس أسود , وقناع أشبة بشكل الغُراب , وطريقة التصوير كانت أشبة بطريقة تصوير أفلام الرعب الكلاسيكية , الفيديو كان أبيض وأسود , والشخص ده كان بيعد بإيده لحاجه هتحصل , بعدها إيده طلع منها شىء شبه النور , ووشه كان بيتقسم نُصين , وكل ده وفي الباكجراوند نفس الموسيقى المُزعجة !

4-The world around ewe

القناة دي من أكتر الحاجات المُقززة اللي تصفحتها في حياتي كلها , الشخص المريض صاحب القناة , مهووس أقل ما يُقال عنه, بيقتل الحيوانات وبيستعملها بعد كده في أشياء منزليه , فيه فيديو ليه , وهو قاتل فار , ومفرغ أشلائه , وعامله مقلمة وبراية!!

Dark YouTube - سيد عواد / احمد هاني

Zjcfhgf -5
إستغربت من اسم القناة ؟ طب إيه رأيك لما أقولك إنك لو شوفت فيديوهاتها هتترعب مش هتستغرب ؟
صاحبة القناة بتطلع في الفيديوهات , في طريقة كوميدية نوعًا ما تبتسم , وتتحرك قدام الكاميرا , بعدها تروح ماشيه , وواقفه بضهرها , تلبس ماسك لشكل واحده تانيه , وترجع تعمل نس الحركات قدام الكاميرا , ومره والتانيه والتالته أحيانًا , ده ممكن يكون شىء عادي , بس صدقني لما تشوف الفيديوهات هتعرف إنه مش عادي خالص !!

6- قناة Lisa Holm
24/5/2015 نشر فيديو بأسم 13 محتواه عد تنازلي لثواني من 01:01 لحد 50 وبعد نزول الفيديو مباشرة اختفت فتاة إسمها Lisa Holm وعثر عليها مقتولة بعد 5 ايام وحتى الآن صاحب القناة والقاتل مجهولين
9/2/2004 تركت فتاه إسمها ماروا محاضرتها بحجة أن عندها ظروف عائلية
اللي اتعرف بعد كده ان مكنش فيه اي ظروف ، في طريقها حصلت حادثة صدام لسيارة ماروا ولما نزل سواق الشاحنة اللي اصطدمت بيها يسألها إذا كانت محتاجة مساعدة وأجابت بكل صراحة (لا) استغرب السواق وطلب الشرطة اللي بمجرد حضورها كانت ماروا اختفت من سيارتها !
بعد 8 سنوات وفي نفس اليوم نشر فيديو عاليوتيوب بأسم ذكرى سعيدة ومحتوى الفيديو شخص بيضحك بهستيرية وبيرسل رسائل عشوائية بعنوان ذكرى سعيدة وكلام مبهم بخصوص حادث ماروا !

7-قناة My sister
فيديو نشر عام 2011 على قناة مختصة بألعاب الفيديو وكان فيديو غريب من نوعه ولأول مرة تنشر القناة محتوى خارج إطار العاب الفيديو واللي صاحب القناة حتى الآن ميعرفش حاجة عن الفيديو ومسحه فورًا ، محتوى الفيديو مش مخيف على قد ما غرابته تدخل الرعب لقلبك بلا سبب ، في البداية بتظهر بنت لابسة فستان زفاف وجهها ثابت مبتسم واضح انه قناع ، بتقرب من الكاميرا وتبعد ، وبلا مقدمات بتخلع القناع ويظهر وشها الطبيعي وتبدأ تمارس حياتها الطبيعية في الفيديو زي الاكل بلا اي غرابة لحد ما بينتهي الفيديو وهي بتخلع وشها !
نخرج برا اليوتيوب ونرجع بالزمن لفترة طويلة ، أثناء عرض مسلسل شهير انقطع البث عشان يتعرض فيديو لشخص يرتدي قناع لشخصية شهيرة بيرقص ويغني ويضحك ويوجه رسائل غريبة واخر الفيديو بيخلع نصف بنطاله وتضربه يد مجهولة على اسفل ظهره وعاد البث بعدها وحتى الآن محدش عرف السبب او فهمه او كيفية وجود امكانيات قطع البث التلفزيوني في الوقت ده !

بعد ما عرضنا عليك 7 قنوات , هل انت شايف , إن دول قنوات عادية زي اللي بتتابعهم عاليوتيوب ؟
هل كُنت متوقع وجود حاجات شبه دي عالموقع الجميل اللي بتقعد قدامه بالساعات ؟
لا معتقدش .

شروط النشر على موقعنا: اضغط هنا
الفيس بوك: اضغط هنا

مشاهدات: 21
Share on facebook
Share on twitter
Share on telegram
Share on whatsapp

أحدث المقالات: