المانيكان لاباسكواليتا - محمد مهنى

المانيكان لاباسكواليتا – محمد مهنى

كاتب المقال: محمد مهني

التصنيف: ,

المقالة

المانيكان لاباسكواليتا - محمد مهنى

في سنة 1930 واحد صاحب محل بتاع ملابس جاهزة اسمه " اسبارسا " عرض مانيكان بفستان فرح ابيض, اول ما الراجل ده عرض المانيكان ف المحل بتاعه , الناس استغربت جدا من شكل المانيكان؟ لانه كان تحسه حقيقي جدا وشكله يثير الحيرة والرعب في نفوس من يراه , ملامح وجه المانيكان كانت حقيقية جدا, حتى اليدين كان عليها تجاعيد وعروق واظافر بارزة والشعر كمان تحسه حقيقي لبني ادم! تفاصيل تجبر اي مار من جانبها انه يتوقف لبرهة متاملا فيها وخاصة عينيها ونظرتها اللي هتحسها نظرات حية!...
صاحب المحل " اسبارسا " كان عنده بنت ماتت بسبب عضة عقرب ليلة زفافها! ده خلى الناس اللي شافت المانيكان تربط بينه وبين بنت صاحب المحل اللي ماتت يوم زفافها بعضة عقرب! يعني قالوا ان صاحب المحل من شدة حزنه على فقدان بنته الوحيده , صمم لها المانيكان ده تخليدا لها !...
وبعض السكان قالوا الاغرب من كده ؟
قالوا يا سيدي ان الاب مستحملش موت بنته الوحيدة ف يوم زفافها , فقام بتحنيط جثتها ووضعها في هيئة المانيكان اللي عرضه ف المحل بتاعه تخليدا لها!..
لكن ف ناس تانية بتقول ان المانيكان مجرد دمية عادية, لكن حزن الاب على ابنته خلته يعكف على صنع المانيكان ده بحب شديد وعاطفة جياشة , وده اللي خلى المانيكان يظهر بصورة مذهلة وتفاصيلة بقت حقيقية جدا , حتى لو شوفت صورة بنته اللي ماتت هتلاقيها شبه المانيكان جدا!...
في اسطورة تانية اكثر رعبا من اللي قولنا فوق؟
ف بعض من السكان شطحوا بخيالهم وقالوا ان " لا باسكوليتا " هي مجرد دمية مانيكان عادية, لكنها تفاصيلها اصبحت حقيقية بالشكل ده لما سحرها ساحر فرنسي كان بيزور المانيكان كل ليلة و بيحاول يحليها ترجع للحياة!..
كل الروايات دي اتقال بعد كده انها غلط , مجرد اساطير , وانها مجرد مانيكان عادية مصنوعة بدقة لا اكثر , لكن في ناس كتير لحد دلوقتي مقتنعين انها جثة امراة محنطة , وكتير من الناس بيزوروا المحل عشان خاطر مانيكان " لا باسكوليتا " بيقفوا بالساعات يتاملوا تفاصيلها...
ف ناس من اللي بيزوروا المحل قالوا اننا لما بنقف امام المانيكان بيشوفوا عيون " لاباسكوليتا " بتراقبهم وبتمشي وراهم اثناء ما هما بيتجولوا ف المحل , ولما كانوا يلفوا فجاة نحو المانيكان بيلاقوها غيرت وضعها اللي كانت عليه كأنها اتحركت ف الوقف اللي لفو ناحيتها!...
الاغرب من كده ان فيه ناس معينة بس هما اللي بيغيرو للمانيكان هدومها كل مرتين في الاسبوع , ومش مسموح لاي حد غيرهم انه يشوف المانيكان بالمنظر ده حتى العمال؟!
تفتكروا ايه بسبب ؟ ليه ناس معينة اللي مسموح ليهم انهم يبدلو للمانيكان هدومها؟!
المانيكان لاباسكواليتا

شروط النشر على موقعنا: اضغط هنا
الفيس بوك: اضغط هنا

مشاهدات: 83
Share on facebook
Share on twitter
Share on telegram
Share on whatsapp

أحدث المقالات: